ភាពចម្រុះនិងភាពបត់បែននៃកម្មវិធីបច្ចេកវិទ្យាហិរញ្ញវត្ថុ (Fintech) មានភាពលេចធ្លោខ្លាំងឡើងដោយការរាតត្បាតជំងឺកូវីដ-១៩។ នេះបើយោងតាម លោកស្រី ឃួន ហ្រ្វង់តារា អគ្គនាយិកាផ្នែកយុទ្ធសាស្រ្តរបស់ក្រុមហ៊ុន ទ្រូម៉ាន់នី (ខេមបូឌា)។
ថ្លែងនៅក្រៅកិច្ចប្រជុំប្រចាំឆ្នាំរបស់សមាគមសហព័ន្ធហិរញ្ញវត្ថុ និងបច្ចេកវិទ្យាកម្ពុជា (CAFT) លោកស្រី ឃួន ហ្រ្វង់ដារា បានថ្លែងថា គុណភាពនិងលក្ខណៈសម្បត្តិដែលមានភាពយូនីក (Unique) របស់បច្ចេកវិទ្យាហិរញ្ញវត្ថុ បានប្រែក្លាយកាន់តែសំខាន់ក្នុងអំឡុងពេលរាតត្បាតជំងឺកូវីដ-១៩។
ថ្លែងក្នុងនាមជាប្រធានគណកម្មាធិការលើវិស័យគ្រឹះស្ថានផ្តល់សេវាទូទាត់សងប្រាក់ និង ជាក្រុមប្រឹក្សាហិរញ្ញិក លោកស្រីបានមានប្រសាសន៍ថា៖ «ដោយមនុស្សជាច្រើនហក់ចេញពីគ្រឹះស្ថានហិរញ្ញវត្ថុបែបប្រពៃណីនិងឱបក្រសោបបដិវត្តន៍ធនាគារឌីជីថល បច្ចេកវិទ្យាហិរញ្ញវត្ថុនិងប្រតិបត្តិការឌីជីថលពិតជាដើរតួនាទីឈានមុខគេ។ កត្តានេះកើតមានឡើងដោយសារភាពចម្រុះ និងភាពបត់បែននៃកម្មវិធី E-wallet និងប្រតិបត្តិការចល័តដ៏សម្បូរបែប ជាពិសេសក្នុងអំឡុងពេលដ៏លំបាកដែលបង្កឡើងដោយសារការរាតត្បាតជំងឺកូវីដ-១៩”។
កិច្ចប្រជុំរបស់សមាគមសហព័ន្ធ CAFT ដែលប្រារព្ធធ្វើឡើងនៅថ្ងៃទីសុក្រ ទី១៩ ខែកុម្ភៈកន្លងទៅនេះនៅសណ្ឋាគារ Hyatt Regency ក្នុងរាជធានីភ្នំពេញ មានការចូលរួមពីវាគ្មិនមកពីធនាគារជាតិនៃកម្ពុជា (NBC) និងអាជ្ញាធររូបិយវត្ថុសិង្ហបុរី (MAS)។ អ្នកតំណាងមកពីស្ថាប័នផ្តល់សេវាទូទាត់ប្រាក់ (PSI) និងវិស័យបច្ចេកវិទ្យាកសិកម្ម ធានារ៉ាប់រង ធនាគារ មីក្រូហិរញ្ញវត្ថុ និងអចលនទ្រព្យ ក៏បានចូលរួមផងដែរ។
លោកស្រីបានបន្ថែមថា៖ “ក្នុងឆ្នាំ២០២០ ក្រុមហ៊ុននិងពលរដ្ឋបានវាយតម្លៃឡើងវិញអំពីរបៀបដែលពួកគេធ្វើអាជីវកម្ម ហើយឥឡូវនេះពួកគេធ្វើប្រតិបត្តិការផ្ទាល់ខ្លួន។ ដូច្នេះស្ថាប័ននិងពលរដ្ឋកាន់តែច្រើនឡើង បានងាកទៅរកបច្ចេកវិទ្យាហិរញ្ញវត្ថុ ដើម្បីធ្វើប្រតិបត្តិការ និងបំពេញតម្រូវការហិរញ្ញវត្ថុរបស់ពួកគេ”។
យោងតាមការរាយការណ៍របស់កាសែតខ្មែរថាម ការប្រើប្រាស់ដំណោះស្រាយបច្ចេកវិទ្យាហិរញ្ញវត្ថុច្រើនជាងគេនាពេលបច្ចុប្បនេះគឺជាការផ្ទេរប្រាក់ឌីជីថល។
សេចក្តីរាយការណ៍ដដែលនេះបានឱ្យដឹងថា ក្នុងឆ្នាំ២០២០ របាយការណ៍របស់គណៈកម្មការសេដ្ឋកិច្ច និងសង្គមសម្រាប់អាស៊ី និងប៉ាស៊ីហ្វិក (ESCAP) ដែលស្ថិតក្រោមអង្គការសហប្រជាជាតិ បានឱ្យដឹង ថា ការផ្ទេរប្រាក់អន្តរជាតិមកកម្ពុជាមានចំនួន ១,៥២ ពាន់លានដុល្លារអាមេរិកដែលស្មើនឹងប្រមាណ ៥,៦ ភាគរយនៃផលិតផលក្នុងស្រុកសរុបរបស់កម្ពុជា។
ក្រុមហ៊ុន ទ្រូម៉ាន់នី គឺជាសមាជិករបស់ CAFT តាំងពីឆ្នាំ២០២០ មក។ លោកស្រី ឃួន ហ្រ្វង់ដារា អគ្គនាយិកាផ្នែកយុទ្ធសាស្រ្តរបស់ក្រុមហ៊ុន ទ្រូម៉ាន់នី គឺជាសមាជិកក្រុមប្រឹក្សាភិបាល CAFT ចាប់ពីឆ្នាំ២០២១។
ចាប់តាំងពីចាប់ផ្តើមប្រតិបត្តិការក្នុងប្រទេសកម្ពុជាក្នុងឆ្នាំ២០១៦ មក ក្រុមហ៊ុន ទ្រូម៉ាន់នី បានបង្កើតបណ្តាញភ្នាក់ងារបច្ចេកវិទ្យាហិរញ្ញវត្ថុធំបំផុតក្នុងប្រទេសនេះ។ យោងតាមក្រុមហ៊ុន ទ្រូម៉ាន់នី បណ្តាញភ្នាក់ងាររបស់ក្រុមហ៊ុនមានចំនួន ១ម៉ឺនភ្នាក់ងារ ដែលរង់ចាំផ្ដល់សេវាទាក់ទងនឹងហិរញ្ញវត្ថុ នៅគ្រប់ទីកន្លែងទាំងអស់នៅកម្ពុជាដែលមិនទាន់មានសេវាធនាគារ។
ក្នុងនាមជាក្រុមហ៊ុនបច្ចេកវិទ្យាហិរញ្ញវត្ថុដ៏ល្បីឈ្មោះបំផុតនៅតំបន់អាស៊ីអាគ្នេយ៍ ក្រុមហ៊ុន ទ្រូម៉ាន់នី មានភ្នាក់ងារសរុបចំនួនជាង ៦ម៉ឺន ៥ពាន់ភ្នាក់ងារ ដែលកំពុងបម្រើសេវាជូនអតិថិជនចំនួន ៤០ លាន នាក់នៅក្នុងប្រទេសកម្ពុជា ថៃ មីយ៉ាន់ម៉ា ឥណ្ឌូនេស៊ី ហ្វីលីពីន និងវៀតណាម។ ក្រុមហ៊ុនក៏មានការគាំទ្រផ្នែកបច្ចេកទេសពីក្រុមហ៊ុន Ant Financial ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន អាលីបាបា ផងដែរ ដែលជួយផ្គត់ផ្គង់នូវសេវានិងបច្ចេកវិទ្យាហិរញ្ញវត្ថុទំនើបៗដ៏មានសុវត្ថិភាពខ្ពស់។
នាពេលបច្ចុប្បន្ន ក្រុមហ៊ុន ទ្រូម៉ាន់នី កំពុងផ្តល់សេវាទូទាត់ប្រាក់ជាច្រើនប្រភេទដូចជា សេវាផ្ទេរប្រាក់ក្នុងស្រុក ទូទាត់វិក្កយបត្រ បញ្ចូលលុយទូរស័ព្ទ បង់ប្រាក់កម្ចី និងបើកប្រាក់ខែ តាមទូរស័ព្ទស្មាតហ៊្វូន និងតាមភ្នាក់ងារ។ ទ្រូម៉ាន់នី ស្ថិតក្រោមការគ្រប់គ្រងរបស់ ក្រុមហ៊ុន Ascend Money ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន Charoen Pokphand Group (CP) និងជាដៃគូសហការរបស់ក្រុមហ៊ុនបច្ចេកវិទ្យាហិរញ្ញវត្ថុ Ant Financial របស់ក្រុមហ៊ុនអាលីបាបា។
អំពីក្រុមហ៊ុន ទ្រូម៉ាន់នី៖
ទ្រូម៉ាន់នី គឺជាក្រុមហ៊ុនបច្ចេកវិទ្យាហិរញ្ញវត្ថុអន្តរជាតិឈានមុខគេ និងជាផ្នែកមួយនៃក្រុមហ៊ុន Ascend Money ដែលជាក្រុមហ៊ុនផ្ដល់សេវាហិរញ្ញវត្ថុឌីជីថលបុត្រសម្ព័ន្ធរបស់ក្រុមហ៊ុន Charoen Pokphand Group (CP Group) និងក្រុមហ៊ុន Ant Financial (Alibaba) ដែលជាក្រុមហ៊ុនពីរធំជាងគេបំផុតនៅតំបន់អាស៊ី។ TrueMoney Group គឺជាផ្លែតហ្វមហិរញ្ញវត្ថុដ៏ពេញនិយមបំផុតមួយនៅអាស៊ីអាគ្នេយ៍ នាពេលបច្ចុប្បន្ន។ ទ្រូម៉ាន់នី បានពង្រីកវត្តមានក្នុងទីផ្សាររបស់ខ្លួន ពី ១ប្រទេស ទៅជា ៦ប្រទេស ក្នុងរយៈពេលដ៏ខ្លីបំផុត។ បច្ចុប្បន្ន ទ្រូម៉ាន់នី មានប្រតិបត្តិការយ៉ាងរឹងមាំ នៅក្នុងប្រទេសថៃ កម្ពុជា មីយ៉ាន់ម៉ា ឥណ្ឌូនេស៊ី វៀតណាម និងហ្វីលីពីន។ បច្ចុប្បន្ន ទ្រូម៉ាន់នី មានបណ្ដាញភ្នាក់ងារធំជាងគេបង្អស់ក្នុងតំបន់អាស៊ីអាគ្នេយ៍ ដោយមាន ៦៥.០០០ ភ្នាក់ងារ និងមានបរិមាណទូទាត់ប្រាក់ច្រើនជាងគេបង្អស់ ពោលគឺចំនួន ៨ ពាន់លានដុល្លាអាមេរិក ក្នុងឆ្នាំ២០១៩។ លើសពីនេះ កម្មវិធីទូរស័ព្ទ TrueMoney Wallet ឈរនៅលំដាប់ទី១ នៃកម្មវិធី E-wallet ទាំងអស់ក្នុងប្រទេសថៃ៕