ខចែងនិងលក្ខខណ្ឌសម្រាប់កាតនិម្មិតទ្រូម៉ាន់នី​ (Mastercard)

ខចែងនិងលក្ខខណ្ឌដែលអនុវត្តចំពោះការប្រើប្រាស់កាតនិម្មិតទ្រូម៉ាន់នី​ (Mastercard) ហៅថា (“កាតនិម្មិត”) ដែលត្រូវបានចេញឱ្យអ្នកដោយ True Money (Cambodia) PLC ហៅថា (“ទ្រូម៉ាន់នី”) តាមសំណើរបស់អ្នក។ 

ខចែងនិងលក្ខខណ្ឌអនុវត្តចំពោះអ្នក និងការប្រើប្រាស់កាតនិម្មិតរបស់អ្នក ហើយវាគឺជាកិច្ចព្រមព្រៀងផ្លូវច្បាប់ ដែលចងភ្ជាប់រវាងអ្នក និងពួកយើង។ តាមរយៈការទទួលយក និង/ឬ ប្រើប្រាស់កាតនិម្មិតនេះ អ្នកបានអានយល់ និងយល់ព្រមក្នុងការចងភ្ជាប់ជាមួយនឹង ខចែងនិងលក្ខខណ្ឌទាំងអស់នេះ។ ខចែងនិងលក្ខខណ្ឌទាំងនេះមាន ប្រសិទ្ធភាព នៅពេលអ្នកបើកដំណើរការកាតនិម្មិតតាមរយៈកម្មវិធីទ្រូម៉ាន់នីវ៉ាឡេត (TrueMoney Wallet) របស់អ្នក។ ទ្រូម៉ាន់នី អាចផ្លាស់ប្តូរ ខចែងនិងលក្ខខណ្ឌទាំងនេះពីពេលមួយទៅពេលមួយ។ ការផ្លាស់ប្តូរ បែបនេះនឹងចូលជាធរមានភ្លាមៗនៅពេលដែលវាត្រូវបានផ្សព្វផ្សាយនៅលើគេហទំព័ររបស់ពួកយើង ឬ កម្មវិធី ទ្រូម៉ាន់នី (TrueMoney App)។ វាជាទំនួលខុសត្រូវរបស់អ្នកក្នុងការត្រួតពិនិត្យលក្ខខណ្ឌមុនពេលបង្កើត ឬប្រើកាតនិម្មិត និងដើម្បីកត់សម្គាល់ការផ្លាស់ប្តូរណាមួយ។

 

១. និយមន័យ

 

“កាតនិមិ្មត” សំដៅលើកាតនិម្មិតម៉ាស្ទ័រកាត  (Virtual Mastercard) ដែលចេញឱ្យអ្នកដោយទ្រូម៉ាន់នី តាមការ ណែនាំរបស់អ្នក និង បានបំពេញនូវលក្ខណៈវិនិច្ឆ័យគ្រប់គ្រាន់តាមតម្រូវការរបស់ទ្រូម៉ាន់នីក្នុងការទទួលបាន សេវាកម្មនេះ។

“អ្នក” និង “របស់អ្នក” មានន័យថារូបវន្តបុគ្គលម្នាក់ ដែលបានចុះឈ្មោះប្រើប្រាស់ផលិតផលកាតនិម្មិត និងជាអ្នក ដែលត្រូវបានអនុញ្ញាតឱ្យប្រើប្រាស់កាតនិម្មិត ដូចដែលបានបញ្ជាក់នៅក្នុងខចែងនិងលក្ខខណ្ឌទាំងនេះ។

“យើង” “ពួកយើង” និង “របស់យើង” មានន័យថា ទ្រូម៉ាន់នី ឬ True Money (Cambodia) PLC ។

“ទ្រូម៉ាន់នីវ៉ាឡេត” មានន័យថាទ្រូមា៉ន់នីវ៉ាឡេតប្រភេទរូបបិយប័ណ្ណ ដុល្លារអាមេរិក (USD Wallet) ដែលបាន ភ្ជាប់ជាមួយកាត និម្មិតរបស់អ្នក ហើយវាអនុញ្ញាតឱ្យអ្នកអាចធ្វើការទិញទំនិញតាមបណ្តាញអនឡាញបាន។

“កម្មវិធីទ្រូម៉ាន់នី” សំដៅលើកម្មវិធីដែលមានក្នុងទូរស័ព្ទដៃទ្រូម៉ាន់នី។

“PIN” សំដៅលើលេខសម្ងាត់ ៤ ខ្ទង់របស់អ្នកដែលបង្កើតដោយអ្នកដើម្បីប្រេីប្រាស់អនុមតរាល់ពេលដែលអ្នក ធ្វើប្រតិបត្តិការទិញ។

“3D Secure​​ (Three Domain Secure)” គឺជាប្រព័ន្ធសុវត្ថិភាពដែលបំពេញបន្ថែសម្រាប់ប្រតិបត្តិការអនឡាញ ដែលធ្វើឡើងសម្រាប់ផ្ទៀងផ្ទាត់ម្ចាស់កាតជាមួយនឹងពាក្យសម្ងាត់តែម្តង (One Time Password)។ ពាក្យសម្ងាត់តែម្តងនេះនឹងតម្រូវអេាយប្រេីនៅពេលភ្ជាប់កាតនិមិត្មរបស់អ្នកលេីកដំបូងជាមួយពានិជ្ជករ អនឡាញ។

“CVV” សំដៅលើលេខកូដ៣ខ្ទង់សំរាប់ផ្ទៀងផ្ទាត់កាត។ លេខកូដនេះអាចមើលបាននៅលើកកាតនិម្មិតរបស់អ្នក។

“លេខកាត” សំដៅលើលេខ ១២ ខ្ទង់ ដូចដែលបានបង្ហាញនៅលើកាតម្មិតរបស់អ្នក។ លេាកអ្នកអាចចម្លងលេខ ១២ ខ្ទង់ងនេះបាន រាល់ពេលអ្នកមានតម្រូវការទិញទំនិញតាមអនឡាញ។

“ប្រតិបត្តិការ” សំដៅដល់រាល់ប្រតិបត្តិការទិញតាមអនឡាញ និង/ឬការទិញ (តាមរយៈគេហទំព័រ ទូរស័ព្ទ ឬកម្មវិធីទូរស័ព្ទ) រួមទាំងកម្មវិធីភាគីទីបី ប្រតិបត្តិការពាណិជ្ជកម្មអេឡិចត្រូនិក ការបញ្ជាទិញតាមសំបុត្រ ប្រតិបត្តិការបញ្ជាទិញ តាមទូរស័ព្ទ ការទិញក្នុងកម្មវិធី និងប្រតិបត្តិការស្កេនដើម្បីទូទាត់  ដែលអ្នកប្រើកាតនិម្មិតរបស់អ្នកដើម្បីបង់ប្រាក់ ឱ្យទៅពាណិជ្ជករសម្រាប់ផលិតផល ឬសេវាកម្មរបស់ពួកគេ។ 

 

២. កាតនិម្មិតរបស់អ្នក

 

អ្នកអាចបង្កើតកាតនិម្មិតភ្លាមៗពីកម្មវិធីទ្រូម៉ាន់នីរបស់អ្នកដោយធ្វើតាមការណែនាំចាំបាច់លើអេក្រង់។ កាតនិម្មិតរបស់អ្នកនឹងរួចរាល់សម្រាប់ការប្រើប្រាស់ភ្លាមៗនៅពេលដែលអ្នកបានបញ្ចប់ការណែនាំនៅលើអេក្រង់ ហើយទទួលយកខចែងនិងលក្ខខណ្ឌទាំងនេះ។ កាតនិម្មិតនីមួយៗដែលអ្នកបានបង្កើតនឹងមានលេខកាតតែមួយ គត់ និងលេខ CVV តែមួយគត់។ កាតនិម្មិតរបស់អ្នកនឹងមានសុពលភាពរយៈពេល ៤ ឆ្នាំ ហើយកាតនិម្មិតរបស់ អ្នកត្រូវបានភ្ជាប់ទៅទ្រូម៉ាន់នីវ៉ាឡេតរបស់អ្នក។ កាតនិម្មិតគឺជាកាតបង់ប្រាក់ជាមុន ហើយអាចបញ្ចូលប្រាក់ក្នុង កាតបាន។អ្នកអាចកំណត់សមតុល្យទឹកប្រាក់ចំពោះការប្រើប្រាស់កាតនិម្មិតនៅក្នុងកម្រិតដែលផ្តល់ដោយ

ទ្រូម៉ាន់នីនិងយោងទៅតាមកម្រិតទ្រូម៉ាន់នីវ៉ាឡេតរបស់អ្នក។ ក្នុងករណីមានកំហុស ឬសំណួរអំពីកាតនិម្មិតរបស់ អ្នក និង/ឬទ្រូម៉ាន់នីវ៉ាឡេតដែលបានភ្ជាប់ សូមទាក់ទងផ្នែកបម្រើសេវាកម្មអតិថិជនរបស់យើងតាមរយៈលេខ (+855) 23 999 639។

 

៣. ថ្លៃសេវា និងការប្រាក់

 

អ្នកនឹងមិនទទួលបានការប្រាក់សម្រាប់ទឹកប្រាក់របស់អ្នកនៅលើកាតនិម្មិតទេ។ វាអាចមានថ្លៃសេវា ទាក់ទងនឹងការ ប្រើប្រាស់កាតនិម្មិតរបស់អ្នក។ ពេលប្រើកាតនិម្មិត អ្នកយល់ព្រមគេារពតាមខចែងនិងលក្ខខណ្ឌនេះ និងទូទាត់ ថ្លៃសេវាទាំង អស់តាមតម្រូវការរបស់ទ្រូម៉ាន់នី ហើយទ្រូម៉ាន់នី អាចនិងមានការកែប្រែថ្លៃសេវាខាងលើ ដែលទាក់ ទងនឹងផលិតផល ឬសេវាកម្មនេះតាមការសម្រេចដោយឯកច្ឆ័នរបស់យើង។ ហើយប្រសិនបើទ្រូម៉ាន់នី នឹងកែប្រែ ថ្លៃសេវា យើងខ្ញុំនឹងជូនដំណឹងដល់អ្នក ២១ ថ្ងៃជាមុន មុននឹងកាត់ថ្លៃសេវាពីទ្រូម៉ាន់នីវ៉ាឡេតរបស់អ្នក។

 

៤. ការប្រើប្រាស់កាតនិម្មិត

 

អ្នកអាចប្រើកាតនិម្មិតដើម្បីទិញទំនិញ ឬសេវាកម្មគ្រប់ទីកន្លែងតាមរយៈ កាតនិម្មិតរបស់អ្នកតាមដែលអាចធ្វេីបាន  ដេាយគ្រាន់តែមានសមតុល្យទឹកប្រាក់គ្រប់គ្រាន់។ ហើយការប្រើប្រាស់មិនលើសពីសមតុល្យដែលមាននៅក្នុង ទ្រូម៉ាន់នីវ៉ាឡេត របស់អ្នក និង/ឬ មានការកំណត់ ឬការកម្រិតណាមួយដែលកំណត់ដោយអ្នកនៅក្នុងមុខងារ កំណត់របស់កាត។

លេាកអ្នកគួរតែដឹងថាពាណិជ្ជករមួយចំនួនដូចជាក្រុមហ៊ុន អាកាសចរណ៍ រោងភាពយន្ត ឬសណ្ឋាគារ អាចតម្រូវឱ្យ បង្ហាញកាតជាក់ស្តែងសម្រាប់គោលបំណងជាភស្តុតាង ហើយពានិជ្ជករទាំងនេាះអាចបដិសេធ ឬ បដិសេធមិន ទទួលយកកាតនិម្មិត។ ដូច្នេះអ្នក​ត្រូវ​អានខចែងនិង​លក្ខខណ្ឌ​របស់​ពាណិជ្ជករ​មុន​ពេល​អ្នក​ទិញ​ផលិតផល ឬ សេវាកម្ម​តាម​អនឡាញ។ ទ្រូម៉ាន់នីនឹងមិនទទួលខុសត្រូវឡេីយចំពោះការបដិសេធបែបនេះដោយពាណិជ្ជករ សម្រាប់ហេតុផលបដិសេធណាមួយដែលអាចជាការមិនទទួលយកប្រតិបត្តិការរបស់អ្នក។

លេាកអ្នក​នឹង​មិន​អាច​លុបចេាលបានឡេីយសម្រាប់ប្រតិបត្តិការដែលអ្នកបានទិញរួច។ នៅពេលអ្នកប្រើកាតនិម្មិតទ្រូម៉ាន់នី ដើម្បីទូទាត់ថ្លៃទំនិញ ឬសេវាកម្មយើងនឹងដកទឹកប្រាក់នៅក្នុងវ៉ាឡេតទ្រូម៉ាន់នីរបស់អ្នកដេីម្បីទូទាត់ទៅ​លើ​ប្រតិបត្តិការ​ទិញ​ណា​មួយ​ បន្ទាប់​ពី​អ្នក​បាន​អនុញ្ញាតប្រតិបត្តិការរបស់អ្នកដើម្បីទូទាត់។ យើង​នឹង​ដក​ប្រាក់​ពីវ៉ាឡេតទ្រូម៉ាន់នីរបស់ ​អ្នក​ជាប្រាក់ដុល្លារអាមេរិក មុន​ពេល​មាន​សំណើ​ទូទាត់​ពី​ធនាគារ​ទទួលការទូរទាត់ ទោះ​បី​កាត​និម្មិត​របស់​អ្នក ​ត្រូវ​ផុត​កំណត់​ក៏ដោយ។

ប្រសិនបើអ្នកអនុញ្ញាតឱ្យបុគ្គលផ្សេងទៀតប្រើប្រាស់កាតនិម្មិតរបស់អ្នក អ្នកត្រូវទទួលខុសត្រូវ ចំពោះប្រតិបត្តិការ ទាំងអស់ដែលបានធ្វើឡើងជាមួយកាតនិម្មិតទ្រូម៉ាន់នី ព្រម ទាំងថ្លៃសេវា និងបំណុលដែលពាក់ព័ន្ធទាំងអស់ដែល កើតឡើងដោយពួកគេទាំងនោះ។ អ្នកទទួលខុសត្រូវទាំងស្រុងចំពោះការប្រើប្រាស់លេខកាតនិម្មិតនីមួយៗ យោងទៅតាមខចែងនិងលក្ខខណ្ឌក្នុងឯកសារនេះ។

 

៥. ដែនកំណត់ចំណាយដែលអាចកំណត់នៅលើកាតនិម្មិត

 

ទ្រូម៉ាន់នី អាចកំណត់ដែនកំណត់ផ្សេងៗគ្នា ដើម្បីការពារ និងធានាការប្រើប្រាស់កាតនិម្មិត។ ទម្រង់នៃដែនកំណត់មួយចំនួនត្រូវបានផ្តល់ឱ្យអ្នក តាមការសម្រេចចិត្តរបស់អ្នក ដើម្បីកំណត់គោលបំណង

ប្រើប្រាស់របស់អ្នក។ ដែនកំណត់ស្តង់ដារមួយចំនួនត្រូវបានកំណត់ រួមមាន៖

• ចំនួនកាតនិម្មិតសកម្មត្រូវបានកំណត់ត្រឹម ១ កាតនិម្មិត
• ដែនកំណត់នៃការទិញប្រចាំថ្ងៃសម្រាប់កាតនិម្មិតមួយនឹងផ្អែកលើការកម្រិតវ៉ាឡេតទ្រូម៉ាន់នីរបស់អ្នក។

ទ្រូម៉ាន់នី រក្សាសិទ្ធិរបស់ខ្លួនក្នុងការផ្លាស់ប្តូរកម្រិតទ្រូម៉ាន់នីវ៉ាឡេតនៅពេលណាមួយ ដើម្បីអនុវត្តតាម គោលការណ៍របស់ក្រុមហ៊ុន រួមទាំងតម្រូវការបទប្បញ្ញត្តិក្នុងស្រុក និង/ឬអន្តរជាតិ។ អ្នកអាចកំណត់ និងផ្លាស់ប្តូរ ដែនកំណត់នៃការទិញបានគ្រប់ពេលនៅក្នុងកម្មវិធីទ្រូម៉ាន់នីវ៉ាឡេត។ អ្នកអាចផ្អាកការប្រើប្រាស់ និង រំសាយការផ្អាកទៅលើកាតនិម្មិតបានគ្រប់ពេលតាមតម្រូវការរបស់អ្នក។

 

៦. ទំនួលខុសត្រូវរបស់អ្នក

 

៦.១ អ្នកទទួលខុសត្រូវចំពោះ៖

ក. ថែរក្សាព័ត៌មានសម្ងាត់លេីកាតរបស់អ្នក ដូចជា លេខកាត១២ខ្ទង់ កាលបរិច្ឆេទផុតសុពលភាព និងលេខ CVV ៣ខ្ទង់ឱ្យមានសុវត្ថិភាពគ្រប់ពេល។

ខ. សកម្មភាពណាមួយ និងសកម្មភាពទាំងអស់ដែលបានកើតឡើងដេាយអ្នកដែលនាំឱ្យអ្នកបាត់បង់ ព័ត៌មានសម្ងាត់កាតរបស់អ្នក រួមទាំងលទ្ធផលនៃកំហុសអ្នកផ្ទាល់ ការធ្វេសប្រហែស និង/ឬសកម្មភាពផ្សេងទៀត របស់បុគ្គលណាម្នាក់ដែលកាន់កាប់កាតរបស់អ្នក ដោយមាន ឬ គ្មានការអនុញ្ញាតពីអ្នក។

៦.២ ប្រសិនបើអ្នកមិនរក្សាកាតរបស់អ្នកឱ្យមានសុវត្ថិភាពទេមានន័យថា អ្នកបោះបង់ការទាមទារណាមួយ ដែលអ្នកអាចមានសម្រាប់ការបាត់បង់ ឬការខូចខាតណាមួយដែលអ្នកបាត់បង់ ដោយសារអ្នកមិនបានរក្សា វាឱ្យមានសុវត្ថិភាព។ បន្ទាប់ពីព័ត៌មានលំអិតអំពីកាតនិម្មិតរបស់អ្នកត្រូវបានបញ្ចូល យើងនឹងសន្មត់ថាជាប្រត្តិបត្តិការពីកាតនិម្មិតរបស់អ្នកពិតប្រាកដ។ ប្រសិនបើនរណាម្នាក់ផ្សេងទៀតប្រើកាតនិម្មិត របស់អ្នកយើងអាចដំណេីការប្រតិបត្តិការនេាះដូចជាប្រតិបត្តិការដែលអ្នកបានអនុញ្ញាតវាដូចគ្នា។

៦.៣ ប្រសិនបើព័ត៌មានលម្អិតអំពីកាតនិម្មិតរបស់អ្នកត្រូវបានគេលួចបានតាមមធ្យោបាយណាមួយ លេាកអ្នកអាចប្រឈមនឹងការបាត់បង់សមតុល្យទឹកប្រាក់ដែលមានក្នុង ទ្រូម៉ាន់នីវ៉ាឡេតរបស់អ្នក។ បុគ្គលនោះក៏អាចមានលទ្ធភាពចូលប្រើកម្មវិធីទូរស័ព្ទរបស់អ្នកដោយមិនមានការអនុញ្ញាតផងដែរ។ យើងនឹងមិនទទួលខុសត្រូវចំពោះផលនៃការបាត់បង់ទាំងនេាះឡេីយ។ លេាកអ្នកអាចទទួលការខាតបង់ ក្នុងករណីដែលជនម្នាក់នេាះបានប្រើប្រាស់កាតនិម្មិតរបស់អ្នក។

៦.៤ អ្នកត្រូវតែពិនិត្យមើលប្រតិបត្តិការរបស់អ្នក និងព័ត៌មានលម្អិតរបស់ពាណិជ្ជករអោយបានត្រឹមត្រូវ មុនពេល អ្នកបញ្ជាក់ការទិញរបស់អ្នក។

៦.៥ ប្រសិនបើអ្នកជឿថាប្រតិបត្តិការមួយត្រូវបានធ្វើឡើងដោយគ្មានការអនុញ្ញាតពីអ្នក សូមជូនដំណឹងមកយើង ជាបន្ទាន់ ឬបង្កកកាតនិម្មិតរបស់អ្នកភ្លាមៗ។

 

៧. ការលុបចោលកាតនិម្មិត ការផ្អាក និងការផុតកំណត់

 

កាតនិម្មិតនីមួយៗមានសុពលភាពរហូតដល់ថ្ងៃផុតកំណត់ នៅពេលដែលកាតនិម្មិតបានផុតកំណត់ ឬត្រូវបាន លុបចោល អ្នកមិនអាចប្រើវាសម្រាប់ប្រតិបត្តិការណាមួយបានទេ ប៉ុន្តែអ្នកអាចបង្កើតកាតនិម្មិតថ្មី។ អ្នកអាចលុបកាតនិម្មិតបានគ្រប់ពេលនៅលើកម្មវិធីទ្រូម៉ាន់នីវ៉ាឡេតរបស់អ្នក ប្រសិនបើអ្នកមិនចង់ប្រើវាទៀត។ ពួកយើងរក្សាសិទ្ធិតាមការសម្រេចដោយឯកច្ឆ័នក្នុងការកំណត់ទៅលើការប្រើប្រាស់កាតនិម្មិតរបស់អ្នក  រួមទាំងការ កំណត់ ឬហាមឃាត់ប្រភេទប្រតិបត្តិការជាក់លាក់ ដូចជាប្រភេទពាណិជ្ជករជាដើម។  យើងអាចបដិសេធក្នុងការ ចេញកាតនិម្មិត ឬលុបចោលកាតនិម្មិតរបស់អ្នកដោយមាន ឬដោយគ្មានការជូនដំណឹងជាមុន។ អ្នកយល់ព្រមមិនឱ្យមានការប្រើប្រាស់មិនសមរម្យ ឬអនុញ្ញាតឱ្យអ្នកដទៃប្រើកាតនិម្មិតទ្រូម៉ាន់នី ដែលផុតកំណត់ បានដកហូត បានលុបចោល បានផ្អាក ឬ កាតនិម្មិតមិនត្រឹមត្រូវ។

 

៨. ថ្លៃសេវាប្រតិបត្តិការអន្តរជាតិ – FOREX

 

អតិថិជនត្រូវតែមានសមតុល្យទឹកប្រាក់ជា រូបបិយប័ណ្ណ ដុល្លារអាមេរិក ​(USD) ដើម្បីភ្ជាប់ និងបង្កើតកាតនិម្មិត ម៉ាស្ទ័រកាត។ គណនីរូបបិយប័ណ្ណប្រាក់រៀល(KHR) មិនត្រូវបានអនុញ្ញាតឱ្យភ្ជាប់ជាមួយកាតនិម្មិតម៉ាស្ទ័រកាតទេ។ ប្រសិនបើអ្នកធ្វើប្រតិបត្តិការជារូបិយប័ណ្ណ ឬ ប្រទេសផ្សេងក្រៅពីរូបិយប័ណ្ណដុល្លារអាមេរិក (USD) ដែលជា កាតនិម្មិតទ្រូម៉ាន់នីរបស់អ្នកនោះចំនួនទឹកប្រាក់ដែលកាត់ចេញពីសមតុល្យទឹកប្រាក់របស់អ្នកនឹងត្រូវបានប្តូរប្រាក់

ទៅតាមអត្រាទូទាត់ (ឧទាហរណ៍ អត្រាប្តូរប្រាក់ម៉ាស្ទ័រកាត) ទៅជាចំនួននៅក្នុង រូបិយប័ណ្ណដុល្លារអាមេរិក (USD) នៃកាតនិម្មិតទ្រូម៉ាន់នីរបស់អ្នក។ អ្នកយល់ព្រមថា ទ្រូម៉ាន់នី អាចដកប្រាក់របស់អ្នក ដោយផ្អែកលើចំនួន ដែលបានប្តូរប្រាក់នៃប្រតិបត្តិការរបស់អ្នក។

 

៩. បង្កាន់ដៃ

 

អ្នកគួរតែទទួលបាន ឬ នឹងទទួលបានព័ត៌មានកត់ត្រាប្រតិបត្តិការនៅពេលអ្នកធ្វើប្រតិបត្តិការរួចរាល់។ អ្នកយល់ព្រមរក្សាពត៌មានកត់ត្រាប្រតិបត្តិការរបស់អ្នក ដើម្បីផ្ទៀងផ្ទាត់ជាមួយវិក្តយបត្រទិញរបស់អ្នក។ លើសពីនេះទៀត អ្នកអាចផ្ទៀងផ្ទាត់ប្រតិបត្តិការរបស់អ្នកនៅក្នុងប្រវត្តិ ប្រតិបត្តិការកាតនិម្មិត និងប្រវត្តិប្រតិបត្តិការទ្រូម៉ាន់នីវ៉ាឡេត ជាមួយនឹងវិក្កយបត្រទិញរបស់អ្នក។ អ្នកយល់ព្រមពិនិត្យ និងជូនដំណឹងដល់ពួកយើងអំពីកំហុស ភាពមិនប្រក្រតី ភាពមិនស៊ីសង្វាក់គ្នា ការទាមទារ ឬ

ការកាត់ទឹកប្រាក់​ដែលមិនមានការអនុញ្ញាត ឬ ប្រតិបត្តិការដែលធ្វើហេីយ ដំណើរការហេីយ ឬបានទូទាត់ហេីយពីផលនៃការក្លែងបន្លំ ការក្លែងបន្លំ ពុំបានផ្តល់សិទ្ធិអំណាច ការធ្វេសប្រហែស ផ្សេងៗធេ្វីឡេីងដោយបុគ្គលណាមួយក៏ដោយ។

អ្នកបន្្តយល់ព្រមទៀតថា ប្រសិនបើអ្នកខកខានក្នុងការជូនដំណឹជាលាយលក្ខណ៍អក្សរដល់ពួកយើងអំពីកំហុស ភាពមិនស្របគ្នា ការទាមទារភាពមិនប្រក្រតី ឬ ការកាត់ទឹកប្រាក់​​ដែលមិនមានការអនុញ្ញាត ឬ ទំនិញក្នុងរយៈពេល 

ម្ភៃមួយ (21) ថ្ងៃចាប់ពីថ្ងៃបានធេ្វីប្រតិបត្តិការហេីយ ឬ ថ្ងៃបានជូនដំណឹងប្រតិបត្តិការ សន្មតថាលេាកអ្នកបានទទួល យកនូវកំណត់ត្រា និងប្រតិបត្តិកា សមតុល្យនៅក្នុងទ្រូម៉ាន់នីវ៉ាឡេតរបស់អ្នក ហើយអ្នកនឹងត្រូវបានចាត់ទុកថាបានទទួលយកគ្រប់បញ្ហាទាំងអស់។

 

១០. ការរក្សាសមតុល្យទឹកប្រាក់ និងព័ត៌មានប្រតិបត្តិការសម្រាប់កាតនិម្មិតរបស់អ្នក

 

អ្នកគួរតែតាមដានចំនួនទឹកប្រាក់ដែលមាននៅក្នុងទ្រូម៉ាន់នីវ៉ាឡេតរបស់អ្នក។ ប្រសិនបើសមតុល្យមានមិន គ្រប់គ្រាន់ ពួកយើងរក្សាសិទ្ធិក្នុងការបិទកាតនិម្មិតទ្រូម៉ាន់នីរបស់អ្នក ដោយមានការជូនដំណឹងជាមុន។ អ្នកអាចទទួលបានព័ត៌មានអំពីចំនួនទឹកប្រាក់ដែលអ្នកមាននៅក្នុងទ្រូម៉ាន់នីវ៉ាឡេតរបស់អ្នកដោយគ្រាន់តែចូលទៅ ក្នុងកម្មវិធីទ្រូម៉ាន់នី ។

 

១១. ការសម្ងាត់

 

យើងអាចបង្ហាញព័ត៌មានដល់ភាគីទីបីអំពីកាតនិម្មិតរបស់អ្នក ឬប្រតិបត្តិការដែលអ្នកបានធ្វើដោយប្រើកាតនិម្មិត ទ្រូម៉ាន់នីរបស់អ្នក៖

• ក្នុងករណីចាំបាច់សម្រាប់ការបញ្ចប់ប្រតិបត្តិការ
• ដើម្បីផ្ទៀងផ្ទាត់អត្ថិភាព និងលក្ខខណ្ឌនៃកាតនិម្មិតរបស់អ្នកសម្រាប់ភាគីទីបី ដូចជាពាណិជ្ជករ។ 
• ដើម្បីអនុលោមតាមភ្នាក់ងាររដ្ឋាភិបាល ដីការតុលាការ ឬតម្រូវការរាយការណ៍តាមច្បាប់ផ្សេងៗ
• ប្រសិនបើអ្នកផ្តល់ឱ្យយើងនូវការអនុញ្ញាតរបស់អ្នក
• ទៅកាន់និយោជិត សវនករ សាខា អ្នកផ្តល់សេវា ឬមេធាវីរបស់យើង តាមតម្រូវការ។

 

១២. ទំនួលខុសត្រូវរបស់យើងចំពោះការខកខានក្នុងការបំពេញប្រតិបត្តិការ

 

គ្មានព្រឹត្តិការណ៍ណាមួយដែលយើងនឹងទទួលខុសត្រូវចំពោះការខូចខាតជាលទ្ធផលនៃ (រួមទាំងប្រាក់ចំណេញដែលបាត់បង់) ការខូចខាតមិនធម្មតា ការខូចខាតពិសេស ឬ ការពិន័យ។ យើងនឹងមិនទទួលខុសត្រូវទេ ឧទាហរណ៍៖

• ប្រសិនបើគ្មានកំហុសរបស់ពួកយើង អ្នកមិនមានសមតុល្យទឹកប្រាក់គ្រប់គ្រាន់នៅក្នុងទ្រូម៉ាន់នីវ៉ាឡេត របស់អ្នកដើម្បីបញ្ចប់ប្រតិបត្តិការ។
• ប្រសិនបើពាណិជ្ជករបដិសេធមិនទទួលយកកាតរបស់អ្នក ឬផ្តល់សាច់ប្រាក់ត្រឡប់មកវិញ
• ប្រសិនបើម៉ាស៊ីនទូរទាត់ប្រាក់អេឡិចត្រូនិចដែលអ្នកកំពុងធ្វើប្រតិបត្តិការមិនដំណើរការត្រឹមត្រូវ ហើយអ្នកបានដឹងអំពីបញ្ហានៅពេលអ្នកចាប់ផ្តើមធ្វើប្រតិបត្តិការ។
• ប្រសិនបើកាតរបស់អ្នកត្រូវបានបិទខ្ទប់ បន្ទាប់ពីអ្នករាយការណ៍ថាកាតនិម្មិត ឬលេខកូដចូល របស់អ្នកបានបាត់ ឬត្រូវបានគេលួច។
• ប្រសិនបើមានការផ្អាក ឬ សមតុល្យទឹកប្រាក់​របស់អ្នកស្ថិតក្រោមដំណើរការផ្លូវច្បាប់ ឬការជាប់គាំងផ្សេង ទៀតដែលដាក់កម្រិតលើការប្រើប្រាស់របស់អ្នក។
• ប្រសិនបើយើងមានហេតុផលដើម្បីជឿថាប្រតិបត្តិការដែលបានស្នើសុំគឺគ្មានការអនុញ្ញាត។
• ប្រសិនបើកាលៈទេសៈហួសពីការគ្រប់គ្រងរបស់យើង (ដូចជា ភ្លើង ទឹកជំនន់ ឬកុំព្យូទ័រ ឬការទំនាក់ទំនង មិនជោគជ័យ) រារាំងការបញ្ចប់ប្រតិបត្តិការបើទោះបីជាមានការប្រុងប្រយ័ត្នសមហេតុផលដែលយើងបាន ធ្វើក៏ដោយ។ ឬ

• សម្រាប់ការលើកលែងផ្សេងទៀតដែលមានចែងក្នុងកិច្ចព្រមព្រៀងរបស់ពួកយើងជាមួយអ្នក។

 

១៣. ក្នុងករណីមានកំហុស ឬសំណួរអំពីកាតនិម្មិតរបស់អ្នក និងទ្រូម៉ាន់នីវ៉ាឡេតដែលបានភ្ជាប់

 

អ្នកអាចទូរស័ព្ទមកផ្នែកបម្រើសេវាកម្មអតិថិជនរបស់ពួកយើងតាមរយៈលេខ (+855) 23 999639 ឱ្យបានឆាប់តាមដែលអ្នកអាចធ្វើបាន ប្រសិនបើអ្នកគិតថាមានកំហុសបានកើតឡើងនៅក្នុងទ្រូម៉ាន់នីវ៉ាឡេត របស់អ្នកដែលភ្ជាប់ទៅកាតនិម្មិត។

 

១៤. ករណីបាត់កាត ឬ ការលួច ឬ ផ្ទេរដែលគ្មានការអនុញ្ញាត

 

ប្រសិនបើអ្នកបានបាត់ទូរសព្ទ  ឬ ទូរសព្ទអ្នកត្រូវបានគេលួច ហេីយលេាកអ្នកជឿថាព័ត៌មានលម្អិតអំពីកាតនិម្មិត របស់អ្នកអាចប្រឈមនឹងការខាតបង់ លេាកអ្នកអាច ចូលកម្មវីធីទ្រូម៉ាន់នីវ៉ឡេតតាមទូរសព្ទដៃមួយទៀតដែលមាន ស្រាប់ ឬ ទូរស័ព្ទមកកាន់ផ្នែកបម្រើសេវាកម្មអតិថិជនភ្លាមៗ តាមរយៈលេខ (+855) 23 999639 ។

 

១៥. ការដេាះស្រាយវិវាទ និង ការទូទាត់សងវិញ

 

វិវាទកើតឡើងនៅពេលដែលម្ចាស់កាតនិយាយថាគាត់មិនបានអនុញ្ញាតប្រតិបត្តិការជាក់លាក់មួយ។

ក្នុងករណីមានប្រតិបត្តិការក្លែងបន្លំណាមួយបានកើតឡើងលើម្ចាស់កាត ទ្រូម៉ាន់នីនឹងជួយម្ចាស់កាត

បំពេញសំណើដើម្បីដេាះស្រាយវិវាទ និងរៀបចំបែបបទស្នេីសុំការទូទាត់សងវិញទៅកាន់អ្នកទិញតាមរយៈ ប្រព័ន្ធទូទាត់រៀងៗខ្លួន តាមរយៈដៃគូរ Paymentology និង/ឬ Mastercard ។ ដំណើរការដេាះស្រាយវិវាទ និងរៀបចំបែបបទស្នេីសុំការទូទាត់សងវិញតាមរយៈ Paymentology នឹងត្រូវចំណាយថ្លៃសេវាបន្ថែមដែល នឹងត្រូវទទួលខុសត្រូវដោយម្ចាស់កាត។ អ្នកយល់ព្រមគោរពតាមច្បាប់ Mastercard សម្រាប់ដេាះស្រាយវិវាទ និងរៀបចំបែបបទស្នេីសុំការទូទាត់សងវិញ ហើយយល់ព្រមបង់ថ្លៃសេវ៉ាបន្ថែមជាមុន មុនពេលទ្រូម៉ាន់នី អាចដំណើរការពាក្យស្នេីសុំជំនួសអ្នក។ យោងទៅតាមច្បាប់របស់ Mastercard សម្រាប់សំណើសងប្រាក់វិញ  អ្នកនឹងមិនមានសិទ្ធិ ស្នើសុំក្នុងករណីដែលប្រតិបត្តិការរបស់អ្នកលើសពីរយៈពេល 60 ថ្ងៃ។ ហួសរយៈពេល 60 ថ្ងៃ អ្នកយល់ព្រមទទួលយកការបាត់បង់ និងបាត់បង់សិទ្ធិក្នុងការស្នេីសុំការទូទាត់សងវិញ។

ទ្រូម៉ាន់នី អាចនឹងធ្វើសកម្មភាពដោយផ្អែកលើការណែនាំរបស់អ្នក ដើម្បីដាក់ពាក្យសុំជំនួសអ្នក ប៉ុន្តែ ទ្រូម៉ាន់នីនឹងមិនទទួលខុសត្រូវទេ នៅពេលដែលលទ្ធផលនៃពាក្យសុំសងមិនបានជោគជ័យ។ រាល់ការចំណាយពាក់ព័ន្ធទៅលើការដាក់ពាក្យសុំសងនឹងត្រូវទូទាត់ដោយម្ចាស់កាត។

 

១៦. សំណងទំនិញ និង សងប្រាក់វិញ

 

ប្រសិនបើអ្នកមានសិទ្ធិទទួលបានប្រាក់បង្វិលសងលើទំនិញ ឬសេវាកម្មដែលទទួលបានតាមរយៈកាតនិម្មិត របស់អ្នក អ្នកយល់ព្រមក្នុងការបញ្ចូលទឹកប្រាក់បង្វិលសងទៅគណនីដែលភ្ជាប់ទៅនឹងកាតនិម្មិត។ អ្នកមិនមានសិទ្ធិទទួលបានសំណងបែបនេះទេ ប្រសិនបើគណនីរបស់អ្នកត្រូវបានបិទ។

 

១៧. វិសោធនកម្ម និង ការលុបចោល

 

ពួកយើងអាចកែប្រែ ឬ ផ្លាស់ប្តូរ ខចែងនិងលក្ខខណ្ឌនៃកិច្ចព្រមព្រៀងនេះនៅពេលណាក៏បាន។ អ្នកនឹងត្រូវបានជូនដំណឹងតាមរយៈសារជូនដំណឹងក្នុងកម្មវិធីទ្រូម៉ាន់នីអំពីការផ្លាស់ប្តូរណាមួយនៅក្នុងលក្ខណៈ

ដែលបានផ្តល់ដោយច្បាប់មុនកាលបរិច្ឆេទនៃការផ្លាស់ប្តូរជាធរមាន។ ទោះយ៉ាងណាក៏ដោយ ប្រសិនបើការផ្លាស់ប្តូរត្រូវបានធ្វើឡើងក្នុងគោលបំណងសុវត្ថិភាព យើងអាចអនុវត្តការផ្លាស់ប្តូរបែបនេះដោយមិន ចាំបាច់ជូនដំណឹងជាមុន។ យើងអាចលុបចោល ឬផ្អាកដំណើរការកាតរបស់អ្នក ឬកិច្ចព្រមព្រៀងនេះនៅពេល ណាក៏បាន។

 

១៨. គ្មានការធានាទាក់ទងនឹង ទំនិញ និងសេវាកម្ម

 

ពួកយើងមិនទទួលខុសត្រូវចំពោះគុណភាព សុវត្ថិភាព ភាពស្របច្បាប់ ឬទិដ្ឋភាពផ្សេងទៀតនៃទំនិញ ឬសេវាកម្មណាមួយដែលអ្នកទិញដោយប្រើកាតនិម្មិតទ្រូម៉ាន់នីរបស់អ្នក។

វាជាទំនួលខុសត្រូវរបស់អ្នកក្នុងការត្រួតពិនិត្យ និងធ្វើការជាមួយពាណិជ្ជករ ដើម្បីធានាថាអ្នកទទួលបានទំនិញ និងសេវាកម្មរបស់អ្នក ដូចដែលបានព្រមព្រៀងក្នុងលក្ខខណ្ឌដែលបានទិញ។

 

១៩. ការប្រឆាំងនឹងការសម្អាតប្រាក់ និង​ការដាក់ទណ្ឌកម្ម

១៩.១​ អ្នកយល់ព្រមថា ទ្រូម៉ាន់នី អាចពន្យារពេលរាំងខ្ទប់ ឬបដិសេធនូវដំណើការប្រតិបត្តិការណាមួយ ឬក៏លុប ច្រកចូលមកកាន់កាតនិម្មិតទ្រូម៉ាន់នី និង/ឬ បញ្ចប់ការប្រើប្រាស់កាតនិម្មិតភ្លាមៗ ដោយគ្មានការជូនដំណឹងជាមុន ដោយមិនបងើ្កតឲ្យមានជាការទទួលខុសត្រូវណាមួយប្រសិនបើ ទ្រូម៉ាន់នី មានការសង្ស័យថា៖

(ក) ប្រតិបតិ្តការនោះល្មើសនឹងច្បាប់ណាមួយរបស់ប្រទេសកម្ពុជា ឬប្រទេសដទៃណាមួយនោះ ឬ

(ខ) ប្រតិបត្តិការនោះអាចជាប់ពាក់ព័ន្ធបុគ្គលណាមួយ (រូបវ័ន្តបុគ្គល នីតិបុគ្គល ឬ រដ្ឋាភិបាល) ដែលជាប់ ទណ្ឌកម្ម ឬ ទាក់ទងដោយផ្ទាល់ ឬដោយប្រយោល ទៅបុគ្គលណាមួយដែលជាប់ទណ្ឌកម្មស្ថិតក្រោមទណ្ឌ កម្មសេដ្ឋកិច្ច និង ពាណិជ្ជកម្ម ដោយសហរដ្ឋអាមេរិក សហភាពអឺរ៉ុប ឬប្រទេសផ្សេងទៀត ឬ ប្រតិបត្តិណា មួយ ដោយផ្ទាល់ ឬដោយប្រយោល ក្នុងដំណើរការនៃអំពើមិន ស្របច្បាប់ ឬក៏ ប្រតិបត្តិការនោះអនុវត្ត ឡើងក្នុងគោលបំណងដើម្បីធ្វើសកម្មភាពមិនស្របច្បាប់។

១៩.២ អ្នកយល់ព្រមផ្តល់ព័ត៌មានទាំងអស់ទៅទ្រូម៉ាន់នី តាមការទាមទារដ៏សមហេតុសមផលរបស់ទ្រូម៉ាន់នី ដើម្បីគ្រប់គ្រងហានិភ័យ ការសម្អាតប្រាក់ ឬ ហិរញ្ញប្បទានភេរវកម្ម​ និងទណ្ឌកម្មសេដ្ឋកិច្ចនិងពាណិជ្ជកម្ម ឬ ដើម្បីអនុលោមទៅតាមច្បាប់ណាមួយក្នុង ប្រទេសកម្ពុជា ឬប្រទេស ដទៃណាមួយទៀត ហើយអ្នកយល់ព្រម ថាទ្រូម៉ាន់នី នឹងបើកចំហព័ត៌មានណាមួយ ដែលទាក់ទងនឹងប្រតិបត្តិការ​ និង ទ្រូម៉ាន់នីវ៉ាឡេត របស់លោកអ្នក៖

(ក) ភ្នាក់ងារអនុវត្តច្បាប់ ភ្នាក់ងាររដ្ឋាភិបាល ឬ តុលាការ ដែលតម្រូវដោយច្បាប់ណាមួយនៅ ក្នុងព្រះរាជាណាចក្រកម្ពុជា ឬ នៅទីណាផេ្សងទៀត។

(ខ) ស្ថាប័នអន្តរការីរបស់ទ្រូម៉ាន់នី ដែលទ្រូម៉ាន់នីប្រើដើម្បីធ្វើការទូទាត់សម្រាប់គោលបំណងនៃការ អនុលោមតាមច្បាប់ ឬ បទប្បញ្ញត្តិណាមួយនោះ។

១៩.៣ អ្នកបានប្រកាស និងទទួលស្គាល់ចំពោះ ទ្រូម៉ាន់នី ថា ដំណើការទូទាត់ប្រាក់ដោយទ្រូម៉ាន់នីតាម សេចក្តីណែនាំរបស់អ្នកនឹងមិនល្មើសច្បាប់ណាមួយនៅក្នុងប្រទេសកម្ពុជា ឬប្រទេសដទៃទៀតណាមួយឡើយ។

២០. ខចែងផ្សេងៗ

 

២០.១ ការក្លែងបន្លំតាមអ៊ីនធឺណិត៖

អ៊ីនធឺណិតងាយនឹងទទួលរងការក្លែងបន្លំ ការប្រើប្រាស់ខុស ការលួចចូល និងសកម្មភាពផ្សេងទៀត ដែលអាច ប៉ះពាល់ដល់ការបង្កើត ឬ ប្រើប្រាស់កាតនិម្មិត។ ខណៈពេលដែលយើងមានបំណងផ្តល់នូវសុវត្ថិភាពដើម្បីការពារ ដូចគ្នា វាមិនមានការធានាណាមួយប្រឆាំងនឹងការក្លែងបន្លំតាមអ៊ីនធឺណិត ការលួចចូល និងសកម្មភាពផ្សេងទៀត ដែលអាចប៉ះពាល់ដល់ការបង្កើត និងការប្រើប្រាស់កាតនិម្មិតនោះទេ។ អ្នកត្រូវវាយតម្លៃហានិភ័យទាំងអស់ដែលអាចកើតមានមុនពេលអ្នកសំរេចចិត្តទិញទំនិញពីពាណិជ្ជករតាមប្រពន្ធអ៊ីនធឺណិត។

 

២០.២. ហានិភ័យបច្ចេកវិទ្យា៖

បច្ចេកវិទ្យាសម្រាប់កាតនិម្មិតដែលផ្តល់ជូនដោយពួកយើងអាចរងផលប៉ះពាល់ដោយមេរោគ ឬកូដព្យាបាទ បំផ្លិចបំផ្លាញ ឬភាពរអាក់រអួលកម្មវិធី ផ្សេងទៀត។ ហេីយវាក៏អាចជាការរអាក់រអួលផ្នែកប្រព័ន្ធរបស់យើងដែល តម្រូវអេាយមានការថែទាំក្នុងអំឡុងពេលនោះ ដែលធ្វេីអេាយលេាកអ្នកមិនអាចដំណើរការចាយបាន។ នេះអាចបណ្តាលឱ្យមានការពន្យារពេលក្នុងដំណើរការសេចក្តីណែនាំ ឬការបរាជ័យក្នុងដំណើរការសេចក្តីណែនាំ និងការបរាជ័យ និងអសមត្ថភាពផ្សេងទៀត។ អ្នកយល់ និងទទួលស្គាល់បញ្ហារអាក់រអួលដែលអាចកេីតមាន ហេីយលេាកអ្នកត្រូវរាយការ មកភ្នែកទំនាក់ទំនងអតិថិជនភ្លាមៗតាមរយៈលេខទូរសព្ទ 023999639 ដេាះស្រាយបញ្ហា ឬ ទទួលបាននូវព័ត៌មានថ្មីៗ។

 

២០.៣. ដែនកំណត់៖

អ្នកដឹងហើយថា ពេលខ្លះយើងអាចដាក់កម្រិតអតិបរមា និងអប្បបរមាលើកាតនិម្មិត។ អ្នកយល់ព្រមថាការអនុវត្តនេះជាការជួយកាត់បន្ថយហានិភ័យអេាយអ្នក។ ជាឧទាហរណ៍ យើងអាចដាក់កំហិតលើប្រតិបត្តិការ ក្នុងកំឡុងពេលជាក់លាក់ ឬការដាក់កំហិតលើចំនួនក្នុងរយៈពេលជាក់លាក់ណាមួយ ឬសូម្បីតែដែនកំណត់លើ ប្រតិបត្តិការនីមួយៗ ឬដែនកំណត់នៃកាតដែលបានបង្កើតក្នុងមួយថ្ងៃ។ អ្នក​ត្រូវ​បាន​កំណត់​ដោយ​ការ​កំណត់​បែប​នេះ ហើយ​ត្រូវ​អនុវត្ត​យ៉ាង​តឹងរ៉ឹង​ជាមួយ​ពួកវា។

 

២០.៤. សំណង៖

អ្នកនឹងផ្តល់សំណងដល់ពួកយើងសម្រាប់ ការខាតបង់ និងការខូចខាតទាំងអស់ដែលអាច បណ្តាលមកពីអ្នក មិនគោរពតាមបទប្បញ្ញត្តិណាមួយនៅក្នុងខចែងនិងលក្ខខណ្ឌនៃកាតនិម្មិត។

 

២១. ច្បាប់គ្រប់គ្រង

 

កិច្ចព្រមព្រៀងនេះត្រូវបកស្រាយ និងគ្រប់គ្រងដោយអនុលោមតាមច្បាប់នៃព្រះរាជាណាចក្រកម្ពុជា។

 

២២. ភាសា

 

ខចែងនិងលក្ខខណ្ឌទាំងនេះត្រូវបានរៀបចំជាភាសាអង់គ្លេស។ ក្នុងករណីមានភាពមិនស៊ីសង្វាក់គ្នារវាងកំណែភាសាអង់គ្លេសដើម និងការបកប្រែណាមួយកំណែជាភាសា អង់គ្លេសត្រូវគ្រប់គ្រង។